P&B Watersuiweringskalk word wyd en syd gebruik om huishoudelike en ander water te suiwer.

Vir helder huiswater, gooi 'n paar handevol P&B Watersuiweringskalk in 'n goiingsak en laat hang dit in die water, of strooi die kalk oor die water.

As daar 'n kalktekort in diere se suipwater is, hang 'n paar goiingsakke P&B Watersuiweringskalk in 'n dam. Of sit 'n goiingsak kalk in die watertrog.

Omtrent 40% van alle oppervlakwater en feitlik al die grondwater in Suid-Afrika het 'n lae pH, lae loogsout-inhoud en lae kalsiumvlak. 

Dit maak dat die water in beton en metale invreet en pype en watertenks beskadig. Dit kan 'n mens duur te staan kom.

Sulke invreting kan 'n afname in watergehalte veroorsaak aangesien die vlakke van opgeloste gekorrodeerde metaaldeeltjies hoër word as die toelaatbare vlakke vir drinkwater.

Die WNNR het in samewerking met P&B 'n kleinskaalse eenheid ontwikkel vir die behandeling van grondwater. Dit gebruik P&B Aquastab™, 'n kalksteenproduk.